تقارير | 25 05 2020
لك إي متل ما عم قلك.. أخدوا عمتي.. مين أخدا؟.. أخدا الأمن؟؟
أخدوها لأنو بنتها عم تبعت مصاري من السعودية، عمتي معارضة؟؟ أعوذ بالله.. عمتي مؤيدة لك إبنها مؤيد للعظم، ومع هيك صرلا جمعة بالفرع، بس طلعت.. طلعت بعد ما حطوا 400 ألف ليرة وسايط مع مانا عاملة شي.
جارتنا أخدا الأمن لأنو عم تحكي من موبايلا مع إخواتا بالغوطة مع إنو جارتنا ما بتحكي سياسة هه.
ولادنا عم ينشحطوا متل الغنم عالجبهة.. كياس رمل.. الموت عم ياخد والقلب عم يبكي، انكسرنا بكل ما تعنيه الكلمة من معنى، وما حدا معنا.
رفيقي ابنو تطوع لجان وعمل حاجز بقلب الحارة، وعم يفيش ولاد الحارة.
والله نحنا صرنا بنستاهل الشفقة الله وكيلك، لك اشفقوا علينا، اشفقوا على نساءنا وأطفالنا ورجالنا.
الحل السياسي حل ركبنا.. الحل السياسي لجمنا.. خلانا متل كياس التمرين بالملاكمة، لك وشنا ما عاد تحمل بكوس يا رجل.. والله ازرقينا.. وبعدك على بالي.
