ع طريقتنا | 12 01 2024
الغلاء والتعب وصل لقعداتنا ومشوارينا، يوم الجمعة ما كان يمرق بلا السيران، تجتمع العيلة أو الرفقات ويلا عالربوة أو بلودان، وبأيام الشوب مالين واشتقنا للبحر أي عاللادقية.
وتغير الحال، وصار أحلى وأوفر لمة، يجتمعوا الرفقات على سطوح البيت، أو يمكن نشوف فيلم بوضوح إذا توفر النت.
عزمت الشلة عمار وبيلسان وسمر ورجاء لنشاركم حديثنا عن الابتكارات والنهفات للشباب والصبايا بسوريا.
ليخففوا عن حالهم ضغوطات هالحياة ويتسلوا ويترفهوا والشكل الجديد للحياة الاجتماعية بعد ما صار كل حدا ببلد بهالحلقة من بودكاست "ع طريقتنا"
