حلقات | 25 05 2020
في جملة يمكن علقانه بذهن كل السوريين من كتر مامنسمعها برمضان، بالبيت، بالشارع، بالشغل، حتى بالمدرسة جملة بتنقال غالباً لما بيكون الشخص صايم ومعصب أو مزعوج من حدا، أو من موقف صار معه ( اللهم إني صائم ).
و السؤال: ياترى هي الجملة مطلوب منها تعطي إنذار للآخرين أنه صاحبها باقي له ثواني لينفجر من الغضب؟ ولا المفروض تكون الرادع لصاحبها ضد الغلط أو استحكام الغضب فيه؟.
ولما منكون بحالة غضب عادية خارج ظرف شهر رمضان الكريم ممكن نلاقي حدا يستوعب غضبنا أحياناً بحسب قدرة تحمل الشخص يلي قدامنا و تحكمه بردات فعله .. أما بالشهر الكريم فالناس أغلبها بتكون تحت ظرف واحد و هو الصيام.
في حلقة اليوم من "لو كنت مكاني" بتحكيلنا يارا صبري عن مواقف اجتماعية يعبر فيها الناس بالبيت، السوق، وبين الأزواج والإخوة والجيران، عن غضبن خلال شهر رمضان بعبارة "اللهم إني صائم".
