حلقات | 25 05 2020
لكل مجتهد نصيب.. ما اختلفنا.. بس الاجتهاد مو بس للخير في ناس كتير اجتهدوا للشر ومسكوا مفاصل الدولة العسكرية والأمنية وعم يتحكموا برقاب الناس.
الناس يلي عم تجتهد لتثبت إننا أظرف شعب بالعالم.. وأطيب شعب بالعالم..
ليش يا حزرك؟
لأنه لكل مجتهد نصيب..
المجتهد بالمسايرة بيقضيها انتظار.. والمجتهد بالنسيان بيقضيها كحول وإدمان.. والمجتهد بالفشل بيلعن الحظ.. والحظ مسكين.. عم يجتهد ليعرف شو بدنا؟ ماعم ينحظ ولا بمعلومة مفيدة!
ماحدا عم يفهم على حدا!
وهالمعلومة مابدها اجتهاد.. وبعدك على بالي.
