النظارة الشمسية أو الشنتة اكسسوارت العيد مع الطقم يلي هو اساسي بكل عيد، أكيد عندك طقم عيد أيقوني محفور بذاكرتك يمكن لأن كان على ذوقك ويمكن لأنه ببساطة ما كان خيارك.
بحلقة اليوم من "صباح شو" رجعنا لذكريات الطفولة، والطقم المفروض، والفرحة البسيطة يلي كانت تكفي لتخلينا نطير من الفرح.
سألنا الأصدقاء شو كان طقم العيد يلي لبستوه بطفولتكم ولسا بتتذكروه؟، والأجوبة كانت مليانة طرافة ودفا، متل فساتين الكشكش وشنط الخرز الصغيرة!
من حنين الطفولة، لأخبار الطقس والاقتصاد، لأبراج اليوم، لتحدي دندن معنا وغيرها من الفقرات بتسمعوها بهي الحلقة من "صباح شو".
