ميجانا | 3 07 2026
بتتميز منطقة الجزيرة السورية بتنوعها العرقي والاثني من عرب، كرد، آشوريين، شركس، وسريان، وانتج هالتنوع تراث غنائي فلكلوري كبير.
"الموليا"، "العتابة"، "الموال"، "النايل"، و"اللكاحي"، من الأنماط الغنائية الموجودة بالرقة، و"الموليا" الأكتر شهرة، وكانت تغنى بمقام واحد مع جلسات القهوة ومع الوقت تطورت وصارت تتغنى على مقامات متعددة.
تعكس الموليا ثقافة المجتمع وصور الطبيعة، وبتتنوع بين القصص الغرامية وقصص المعارك، واستخدمت لتناقل الأخبار.
انتقلت من جيل لآخر عن طريق الفنانين الشعبيين، وبتشارك النساء في غنائها في المناسبات مثل الأعراس وليلة الحنة ويوم الخبز.
من الألوان الغنائية التانية السويحلي، يلي بيعتبر من لواحق العتابا، وبيتميز بسهولة لحنه وأدائه.
منطقة الجزيرة السورية خزان فلكلوري غني بالموروث الغنائي، لتعرفوا عنه أكتر اسمعوا هالحلقة من بودكاست "ميجانا"، مع الفنان والمهتم بالتراث الفراتي محمود الصياح، وشاركونا بموال فراتي بتحبوه.
