الوظيفة والعمل الحر

راتب الموظف يادوب يوصل لـ 30 دولار وما في راتب بتجاوز الـ 100 الف ليرة باليوم وحتى بالشركات الخاصة الوضع مالو احسن.

بسوريا وظيفة وحدة ما بتكفي لتأمين احتياجات الناس بظل الغلاء يلي عم يعيشوه، لهيك الناس توجهت للعمل الحر "الفري لانس"، يلي من الممكن انه يحسن من معيشتهم بدخل مناسب ومع إمكانية التحكم بوقت العمل بالإضافة لتوفير تكاليف المواصلات.

بس مع هيك مو دائماً عم تكون التجارب سلسة .. في تحديات بالعمل الحر متل انقطاع الكهربا والانترنيت وقيود التحويل المالي.

لينا وخالد  شاركونا تجربتهم بالعمل الحر وشو هي أبرز الميزات الإيجابية وشو التحديات يلي واجهتهم وكيف قدروا يتجاوزوها، بهالحلقة من بودكاست "ع طريقتنا"، اسمعوها وخبرونا عن تجاربكم بالعمل الحر سواء كنتوا بسوريا او خارجها.