بازار يوم الأربعاء أو يوم الجمعة.. هيك عادةً بتتسمى الأسواق الشعبية بحسب الأيام يلي بتفتح فيها أو حسب المنطقة يلي بتنوجد فيها متل بازار جنديرس أو بازار المعبطلي.
البازارات أو الأسواق الشعبية بتتوزع على كل الأحياء، وطيلة أيام الأسبوع وتعتبر جزء من الحياة الاقتصادية والاجتماعية.
البازار هو سوق متنقل بيجتمعوا فيه الباعة ليسوقوا لمنتجاتهم، ويبيعوها بأسعار رخيصة ومنافسة، وهاد أحد أهم أسباب توافد الناس عليه بكثرة.
وعن المنتجات يلي بتنباع بالبازارت، ما في شي محدد وأي شي بيخطر ببالك بتلاقيه من القرطاسية للقماش للأدوات الكهربائية، الخضار والفواكه واللحوم.
مع تدهور الوضع الاقتصادي وضعف القدرة الشرائية للناس، تأثرت البازارات متل بقية الأسواق شو يلي تغير وهل لسه الناس بتقبل على الشراء من البازارات؟
لتعرفوا أكتر اسمعوا هالحلقة يلي عم تنقل أوضاع البازارات بريف حلب بأصوات تجارها من بودكاست "همسات سورية".
