إجازة أمومة

من تلات شهور لـ 15 يوم للولادة الطبيعية، و30 يوم للولادة القيصرية، هيك تحددت مدة إجارة الأمومة للمعلمات بمدينة الرقة من قبل لجنة التربية بمجلس الرقة المدني، بعض المعلمات استقالوا واعتبروا إنه القرار جائر بحقهم وحق جسدهم، بسبب الآثار السلبية النفسية والجسدية يلي بترافقهم بعد الولادة، وبعض المعلمات اعتبروا قرار تقليص مدة الإجازة رح يكون إلو أثر مو بس عالمعلمات كمان عالطلاب.

رحاب بعاج طبيبة اختصاصية بأمراض النساء والتوليد، أكدت إنه هيك قرارات سلبية بالنسبة لصحة النساء العاملات، اللي بحاجة لفترة أطول للاستشفاء التام.

ويسرى الأحمد ناشطة نسوية بالرقة، صرحت إنه ما في حل لهذا القرار غير إلغاءه، ولازم يتم مراعاة حقوق النساء بأي قرار قبل ما يصدر.


 https://www.facebook.com/Rozana.Podcast  

هذه الحلقة من إعداد عبد الله الخلف وتقديم أسما منير، والمونتاج الصوتي لعقبة خليفة.