حلقات | 25 05 2020
اعتقله فرع الأمن السياسي بالشام ومن وقتها ما حدا بيعرف عنه أي شي، كان خضر بحالة ترقّب دائم وبيعرف أنه رح يعتقل بأي وقت.
كيف بتكون ردة فعل الأهل لم يسمعوا كلمة "أخدوه".. أخوه لخضر، أحمد كان ببيروت مع أهله وعيلة خضر لما سمع الخبر، كان بمثابة الصدمة.
"دخلوا بطريقة همجية على بيته بركن الدين واعتقلوه"، بقول أحمد وبتابع، "اخدوا كل شي بيتعلق فيه، عرفنا مين الي اخده ولوين، بس ما منعرف اذا لسا موجود هنيك أو أخدوه لمكان تاني"
ما كان الاعتقال الأول لخضر ولا تجربة الفقد الأولى لأهله، خضر اعتقل أول مرة عام 2006 وضل 40 يوم بدون ما حدا يعرف وين مكانه.
استمعوا لنا وشاركونا لعلَّنا نعثُر سويَّةً على خيط أملٍ، يوصلنا لمعرفة مصير أحمد ونُغلق بذلك جُرحاً سورياً في قلب أم.
