حلقات | 25 05 2020
"أخدوه لمحمد".. هيك أجاه الخبر لأخوه داني من شوفير السرفيس الي كان طالع فيه ومن وقتها راح محمد والكل عم يدور عليه..
محمد مخيبر الي أخد دور الأب البديل بعيلته تغييب عنها وضلّت العيلة بدون سند أو ضهر، محمد واجهة العيلة والمسؤول عنها والي ضحى بعمره وشبابه كرمالها..
كان عنده حنّية كبيره على أخواته البنات، هيك بقول أخوه داني.. "محمد ما رح يتزوج حتى يزوج أخواته كلّن رغم أنه عمره صار فوق الـ 30"
"الموت أهون من الفقد".. هيك بقول داني، الي أكتر شي بفرحه وبخليه يتفاءل هو سماع خبر الإفراج عن معتقل من الـ 2013.
محمد واحد من أكتر من 5 آلاف معتقل من مدينة المعضمية في سجون النظام السوري، حق محمد وغيره علينا نعرفه شو مصيرن.. وينن؟
