بعدك على بالي || أوسكار

بيمنحوك أوسكار وبنفس الوقت بيمحوك بالمسطرة والبيكار!!، بيمنعو عنك أدوات الدفاع عن نفسك وبنفس الوقت بيقولو إنو عم يساعدوك بالخروج من مستنقع الموت.

ملّ قلبي وقلبي معلق بخوذة بيضا.. إنو في مين عم يحفر بساعدو ليساعد.. روح تعلم منهن كيف تعطي من دون مقابل، تعلم منهن الرجولة والإنسانية.

الأوسكار ما حرك مشاعر الناس، ما خلاهن يطلعوا من بيوتن ويتظاهروا كرمالنا بس حرك مشاعرنا إلنا وعطانا بصيص ضو، انو نحنا بنقدر نقاوم القهر بشرف وعزة وكرامة، ما بدنا أوسكار من حدا.

نحنا يللي بنعطي أوسكار للي بدنا يا.. بدنا ما نموت مشان أوسكار ولا بدنا وسام للبروظة.. بدنا نعيش بكرامة فُكوا إيدينا وفكوا عنا مشان الله.

الرسالة مو فيلم تصور، الرسالة مأساة عم تتكرر وعقبال أوسكار الخلاص.. قولوا آمين وبعدك على بالي.