مشبكنا اليوم كان مع زميلنا جوان تتر من راديو والات، وحكينا بموضوعنا المشترك، عن فرص العمل المتاحة للسوريين، وسؤال روزنامة روزنة لليوم: "بظل حالات الفصل اللي عم تصير ببعض الدول العربية، شو هي فرص العمل المتاحة للسوريين؟". 

جوان قال أنو بعض الدول عم تتعامل مع السوريين على أنهن مصدر للقلق، هاد الشي بلش بلبنان من فترة طويلة، لما كان في تضييق على السوريين الموجودين هنيك، والحالة العنصرية اللي كانت سائدة بفترة معينة ولا زالت آثارها لليوم. كمان جوان خبرنا عن فرص العمل الجديدة اللي صارت متاحة للعمل بمدينة القامشلي مركز راديو والات. 

زينة  قرأت مشاركة مصعب على بوستر روزنامة روزنة، مصعب قال: "الحمدلله ما عشت هيك ظروف بس ممكن الواحد يشتغل أي شي وخص الرجل لان الرجل ممكن يعمل أيه شي ومتل ما بسمع بسطنبول في عالم عم تبيع مي وشاي وفي شغل كتير بتركيا .. مهم الإنسان ما يستسلم وييأس". أما عبدو العلي: "للاسف العرب الاخوة تعاملوا مع السوريين كفرصة للاستغلال والنصب وزادوا في الطنبور نغماً". 

لتسمعو مشبكنا كاملة فيكن تضغطو على زر الاستماع.