بعد توقف الرحلات البحرية إلى مرسين.. كيف يبدأ السوريون هجرتهم؟

بعد توقف الرحلات البحرية إلى مرسين.. كيف يبدأ السوريون هجرتهم؟

حلقات | 6 09 2015

بفقرة "تحويلة" لليوم، حكينا مع مراسلنا جمال الدين العبد الله من ريف اللاذقية، وخبرنا أنه معظم الناس سواء بمناطق النظام السوري أو مناطق المعارضة، عم يطلعوا من سوريا للوصول إلى اليونان، أما عن الرحلات يلي كانت تطلع مباشرة من ميناء طرطوس إلى اللاذقية إلى مرسين توقفت، وحالياً أغلب الناس عم تحجز على لبنان ومن لبنان بالباخرة إلى مرسين.

أما بالنسبة للطرقات فهي سالكة بشكل عام في ريف اللاذقية، وعن سعر صرف الدولار، 317 شراء 325 مبيع، والليرة التركية انخفضت ووصلت لـ110 شراء 112 مبيع واليورو عم يكون بحدود 355 ليرة سورية.

أما عن أسعار المحروقات خبرنا مراسلنا: لتر المازوت 140 الكاز 160 البنزين 400 لـ650 والبنزين نخب ثاني أو المسمى بـ العرعوري سعره 350 ليرة سورية.

وانتقلنا من ريف اللاذقية إلى داريا مع مراسلنا أيهم دال وخبرنا عن نزوح وهجرة عوائل كتيرة من داريا ولجوؤهن إلى أوروبا وفي عائلتين من داريا توفوا بالبحر نتيجة غرق مركبهم.

سعر صرف الدولار بداريا عم يكون منخفض بين 270 – 280 لأنو مافي طلب عليه، أما الخبز مفقود والإعتماد على الطحين والقمح، وسعر كيلو الطحين إن وجد 2000 ليرة سورية ونزلت أسعار بعض السلع مثل السمنة والسكر، أما كيلو الرز عم يكون سعره حوالي 600 والبرغل 600 – 700 ليرة سورية.

تفاصيل أكتر بتسمعوها بتحويلة اليوم.

 

بودكاست

شو الحل؟ - الموسم الثالث

شو الحل؟ - الموسم الثالث

بودكاست

شو الحل؟ - الموسم الثالث

شو الحل؟ - الموسم الثالث

نحن نستخدم ملفات تعريف الارتباط “الكوكيز” لنمنحك أفضل تجربة مستخدم ممكنة.

أوافق أرفض

نحن نستخدم ملفات تعريف الارتباط “الكوكيز” لنمنحك أفضل تجربة مستخدم ممكنة.

أوافق أرفض