الكهرباء

من أكتر العبارت يلي ممكن تسمعها بكل بيت بسوريا " بس تجي الكهربا"، سواء كان الغرض دراسة أو طبخ أو حتى واجب اجتماعي".

بسوريا بتحس كل الأمور مؤجلة لوقت تجي الكهربا هي بالأيام العادية أو المناطق يلي فيها تقنين، أما المناطق التانية جملتهم كالتالي "إي مو لنشوف الكهربا"، طيب كيف عايشة الناس بدون كهربا؟، معقول قدرانين يدبروا أمورهم على ضو  صغير يلي اسمه "ليد "، ولا رجعوا متل أيام زمان عالشمعة والفانوس؟

أنوار تناولت موضوع الكهربا وناقشته مع أشخاص وخبرونا عن تجاربهم لتسمعوا قصصهم اسمعوا هالحلقة من بودكاست "ع طريقتنا"، وخبرونا عن أغرب ابتكار سمعتوا عنه لتوليد الكهربا.