تحديات كتيرة عم يواجهوها مرضى السرطان بشمال شرق سوريا متل نقص الإمكانيات الطبية والعلاجية وعدم توفر العلاج المدعوم والمجاني.
وهالشي عم يخليهم يضطروا للسفر يلي عم تكون تكاليفه مرتفعة للحصول على العلاج في مناطق دمشق أو شمال العراق لتلقي العلاج.
بنهاية عام ٢٠٢٣، منظمة الهلال الأحمر الكردي، افتتحت مشفى يوفر خدمات صحية مختصة لمرضى السرطان بما في ذلك قسم لعلاج الأورام وغرفة لتلقي الجرعات السريعة، مما يخفف بعضاً من عبء السفر والتكاليف عن المرضى وأسرهم.
الخدمات المقدمة في المشفى تشمل الفحوصات التشخيصية والعلاجية مثل الأشعة والتحاليل والجرعات الكيميائية، ويتم تقديمها بشكل مجاني أو بتكلفة مخفضة لتوفير الرعاية لأكبر عدد ممكن من المرضى، بحسب ما خبرنا مدير غرفة عمليات الهلال الأحمر الكردي، فرحان سليمان.
العديد من المرضى عم يفضلو العلاج بالمشفى ليوفروا تكاليف السفر، بس مشفى واحدة غير كافية من حيث السعة والخدمات المتاحة.
اسمعوا أكتر بهالحلقة من بودكاست "شو الحل"، عن التحديات يلي عم يواجهوها مرضى السرطان.
وشاركونا آرائكم شو اللي ممكن يخفف من الأعباء المادية ومشقة السفر على المصابين وأهاليهم بشمال شرق سوريا من خلال التعليق على بوست الحلقة على صفحة روزنة بودكاست.
هذه الحلقة تقديم أسما منير وجمع شهادات حسن حسين والمكساج عقبة خليفة وإشراف وإنتاج محسن إبراهيم.
