همسات سورية | 25 07 2023
"بليلة بلبلوكي"، "بارد يا تمر هندي"، وغيرها الكتير من العبارات يلي ارتبطت بذاكرة الطفولة وأيام الدراسة، مين منا ما شم ريحة الكمون والليمون وراح فورا لعرباية الفول يلي صاحبها بيتميز بأسلوبه اللطيف وضحكته يلي ما بتفارقه.
عربات الأكل الشعبي وحدة من مظاهر البساطة يلي بحبها السوريين ويلي بتأمن مصدر دخل للكثير من السكان كل عرباية وإلها موسم، الجلاب والتمر هندي والعرقسوس والدرة وغزل البنات والبليلة، بتنشر بالأسواق الشعبية والحدائق وجنب المدارس.
بشمال غربي سوريا العربات بعدها حاضرة بس شو يلي اختلف بين الماضي والحاضر اسمعوا بهالحلقة من بودكاست "همسات سورية".
