شو الحل؟ | 10 07 2023
بطالة وفقر وغياب فرص العمل بظل ظروف معيشية صعبة، سببها تداعيات الحرب، وزاد عليها زلزال 6 شباط، يلي دمر محال تجارية وبيوت، هالواقع عم يعيشه سكان شمال غربي سوريا والحل؟
نساء ورجال فكروا بمشاريع صغيرة بالخبرات يلي بيملكوها، بس كمان كان في عائق للبدء فيها هو "رأس المال" يلي أول شي بيخطر ببالنا وقت نسمع بكلمة "مشروع".
منظمات محلية غير حكومية وفرق تطوعية مختلفة اشتغلت خلال السنوات الماضية على دعم مشاريع صغيرة لعدد من المدنيين المحتاجين، لكن هي المشاريع كانت قليلة مقارنةً بأعداد السكان المحتاجين لهيك نوع من الدعم.
منها مبادرة "قرض حسن"، يلي قدمت دعم لأصحاب مشاريع صغيرة، بحسب ما خبرنا المدير التنفيذي لمؤسسة "صندوق حياة" محمد البها.
وتضم "صندوق حياة" عدة محافظ، منها "محفظة القرض الحسن" وتهدف إلى تنشيط عجلة الاقتصاد، وتمول مشاريع اقتصادية وتجارية وحرف ومشاريع خدمية، وزراعية وتربية حيوانات. وغيرها الكثير.
لتعرفوا أكتر عن المبادرات وشو هي شروطها و تتعرفوا على قصص الناس ومدى استفادتهم من هالمبادرات، اسمعوا هالحلقة من بودكاست "شو الحل".
وخبرونا شو المبادرات المناسبة اللي بتشوفوا أنو ممكن تحد من البطالة بالمنطقة؟ من خلال التعليق على بوست الحلقة على صفحة روزنة بودكاست .
الحلقة من تقديم أسما منير وإعداد محمود أبو راس، إنتاج وتحرير محسن إبراهيم والمكساج لعقبة خليفة.
