دفتر الدين

دفتر السمان أو دفتر الدين، عبارة عن صفحات مكتوب فيها أسماء الناس مع المشتريات اللي أخدوها وما دفعوا حقها.

"بعدين منحاسبك، سجلها عالدفتر" أغلبنا سمع هالكلمات أو حكاها لصاحب المحل القريب من بيته، بالذات إذا كان آخر الشهر.. والتشطيب على هالدفتر بيصير بأول الشهر، ومنفتح صفحة جديدة، وشهر جديد وديون جديدة.

بالشمال السوري وخلال التهجير والنزوح، اختلف سكان الحي والمنطقة. هل يا ترى هالعادة لسه موجودة؟ وشو حكولنا أهالي المنطقة؟ هل لسه في ثقة بين الناس؟ أو لسه أصحاب المحال قادرين يدينوا بظل ظروف الغلاء أو صارت جملة "الدين ممنوع يرجى عدم الإحراج"، بكل محل.

 قصص الأهالي في الشمال السوري عن موضوع الدين، اسمعوها بهالحلقة من بودكاست همسات.