اعتراف جامعي

شهادة جامعية مو معترف فيها لا بالدول العربية ولا حتى الأجنبية وحتى داخل مناطق النظام السوري، هي أبرز المخاوف يلي عم يعانوا منها طلاب الجامعات في مناطق شمال غرب سوريا.

أكتر من تسع جامعات منها العامة متل" جامعة إدلب"، والخاصة متل "جامعة ماري"، بأفرع واختصاصات متنوعة، عم يواجه طلابها الكتير من العوائق، نتجية عدم وجود توضيح رسمي من قبل إدارة  "جامعة حلب في المناطق المحررة"  أو مجلس التعليم العالي موضوع الاعتراف بالشهادة، السبب يلي عم يخلي كتير من الطلاب  يتركوا الدراسة وينخرطوا في سوق العمل.

افتتاح بعض الجامعات التركية في المنطقة متل "جامعة غازي عنتاب"، و"جامعة باشاك شهير"، كانت الخيار الأفضل لطلبة الجامعة لكتير من الأسباب أولها الاعتراف الدولي بشهادة الجامعات.

"اليوس" الامتحان التركي لحصول الطالب على مقعد في الجامعات التركية، والاختصاصات المحدودة، وغيرها، لازالت عم تشكل عائق أمام الطلبة لإكمال تعليمهم.

شهادات حية من الطلاب والطالبات ومعاناتهم في سبيل إكمال مسيرتهم الأكاديمية بتسمعوها بهالحلقة من بودكاست "شو الحل"،  وشاركونا رأيكم بحلول لمشكلة الاعتراف بالجامعات المحلية بشمال غرب سوريا، من خلال التعليق على بوست الحلقة  بصفحتنا على فيس بوك "روزنة بودكاست".

هذه الحلقة من تقديم أسما منير، إعداد محمود أبو راس، إنتاج وتحرير محسن إبراهيم، والمكساج لعقبة خليفة.