الحلقة الخامسة - حبة تمر وكاسة مي

الحلقة الخامسة - حبة تمر وكاسة مي

برمضان كل الناس بتتغير حياتها على الأقل بالنسبه للروتين اليومي يلي متعودين عليه بباقي أيام السنة، حتى معظم الأشخاص يلي مابيصوموا  بيعيشوا طقس رمضان كامل، في منهم احتراماً للصايمين ومراعاة لمشاعرهم (من باب المشاركة يعني)، و في منهم لأنه نمط الحياة والوقت بهالشهر الفضيل بيجبرهن على التغيير .


 

وبتذكر بالزمنات كان عنا جيران مسيحيين (يعني مابيصوموا رمضان) بس مع هيك كنا أحياناً وقت الإفطار نتبادل صحون السكبة، كل بيت يسكب لجاره من طبخته، ونتشارك سهرات رمضان متل مانتشارك سهرات عيد الميلاد و الفصح و باقي الأعياد.

في حلقة اليوم من "لو كنت مكاني" بتحكيلنا يارا صبري عن الشراهة بتناول الطعام خلال الإفطار برمضان، والمشاكل الصحية يلي بتنتج عنها، تابعو معنا الحلقة وتعرفوا معنا شو صار بالعيلة عالإفطار.

نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق