أصعب شي إنه الإنسان يكون عم يعاني من شعور سلبي قاهر متل الشعور بالظلم والاضطهاد أو الدونية وعدم التقدير من المجتمع يلي عايش فيه. لأنه هاد الشعور ممكن يولد عنده حالة متفاقمة من الاكتئاب ممكن توصل ببعض الأحيان للتفكير بالانتحار وللأسف أنه بحسب بعض الاحصائيات العالمية عم توصل نسبة الانتحار بالعالم لـ 800 ألف شخص بالسنة يعني بني آدم كل 40 ثانية.
طبعا للانتحار أنواع كتيرة، في ناس بتعتبره شجاعه وفي ناس تانية بتعتبره منتهى الجبن وغالبًا الطريقة يلي بيتم فيها بتعبر بشكل ما عن شخصية المنتحر، بس بالأخير نحنا ما فينا نحاسب المنتحر أو يلي بيفكر بالانتحار ونحكم عليه لا أخلاقيًا و اجتماعيًا متل ما بيتحاكم أو بيتحاسب الإنسان الطبيعي، لأنه هو يعتبر بحكم المريض النفسي وأكيد ما حدا بيكون بحالة طبيعية وعايش حياة عادية ممكن ينفذ فكرة الانتحار حتى لو فكر فيها بلحظة انكسار.
بحلقة اليوم من برنامج "لو كنت مكاني"، رح نسمع قصة عامر وزوجته بعد ما طلعوا من سوريا، ورح نسمع كمان رأي الأخصائية النفسية أسيمة مرشد.
الكلمات المفتاحية