أنفاق ما خرج يحفر.. وأرض يزرعها ماعندو.. بيتو باعو منشان يصرف هو ومرتو وولادو بعد ما تحاصر.
لا عندو محل ولا بيعرف يزرع ويقلاع.. هو المعيل الوحيد لعيلتو.
الزلمة هلاء يتيم.. ومالو حدا.. بعد ما مات أخوه وولاد أخوه بصاروخ فراغي.
لمعت الفكرة براسو.. قرر يعمل مدرسة لولاد الحارة.. يعلمهن يفكو الحرف بدل البارودة.. وكل شي بيجيبو الولاد نعمة من الله.
وبلشت هالولاد تكفت لعندو شي يجيب غلوة سكر وشاي وشي يجيب طحين وشي يحمل معو سكبة من طبخ بيتو.. وبلشت الامور تتلحلح.. لحد ما طلبتو الشرعية بتهمة فتح مدرسة بلا ترخيص.
نحنا جمعنا الموت بالصدفة.. بس الامل عايش معنا.. وبعدك على بالي.