والله يا رفيقي الغرقان بيتعلق بقشة، والسوري متعلق بالضمير، والقشة قصمت ظهر الضمير.

هيك بالضبط صار فينا أو معنا، معنا كل سوري شريف، والشريف مضروب بحجر كبير هالقد قدو.

سمعتلك انو العد التنازلي لهمنا بلش، بعلامة انو عم نتهجر باسم الهدنة والوطن.. الوطن يللي العالي في صار واطي، أوطى من ما بتتخيل، والواطي علي علي علي كتير.

مستقبلنا متعلق بمجرم، والمجرم متعلق برقابنا ورقابنا تحت السكين.. نحنا بزمن عجايبك عجايب.. انت كافر حتى تثبت إيمانك، والإيمان جريمة.

والجريمة انو نستنى قشة، غرقان عم يستنى قشة، ونحنا ضايعين متل إبرة بكوم قش، وبعدك على بالي.   

 

نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق