انت شو سلاحك!

بعدك على بالي
بعدك على بالي

طيب بعيداً عن السلاح اللي بإيد الجيش والأحرار والثوار والأغرار، إنت شو مسلح؟

إنت يا عادي شو مسلح؟ هل مسلح بالفقر والتهميش وعدم الإكتراث؟ ولَّا سلاحك الإيمان وساعة الغفلة والقضاء والقدر وقل لن يصيبنا إلا ما كتب الله لنا؟.

إنت إنت شو سلاحك.. خبرني؟ هل إنت سلاحك الحيط الحيط والله يطفيها بنورو ولا سلاحك الصبر والأمل وهنن سلاحن العمى ضربك!؟.

اللقمة سلاح، الثقافة سلاح والجوع سلاح.. خبرني انت شو سلاحك؟ وخلي السلاح صاحي هه.

الصاحي قرر يتجرد من كل هي الأسلحة ويتسلح بالفكر.. ما بدن ياك تفكر وما بدن ياك تحقق أفكارك.

قِللي شو سلاحك بقلك شو هدفك.. والحقيقة ما ضل عنا أهداف، الأهداف الحقيقية مو إلنا.. الأهداف الحقيقية لجيل جاية لجيل عميربى هلأ بالحرب.

وهالحكي بعيداً عن السلاح، هلأ بقى.. إنت شو سلاحك؟ وبعدك على بالي.


نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق