الكل عم يستنى ثورة الجياع، والناس جوعانة وعم تستنى العدل من قلب القهر.. الناس مقهورة.. لك يالطيف شو مقهورة.
الناس عم تستنى الفرج وهنن بقلب المحرقة ومو عرفانين إنو هنن الحطبة القادمة للمحرقة القادمة.
الساكت والمؤيد والرمادي وقود للنار القادمة من الداخل.. داخل الداخل، شو يللي خلَّاك بقيان بالبلد، وظيفتك بلا رشوة حقا فرنك مصدي.
بها الأيام العصيبة كترانة السرقات، المسؤول مسؤول عن تشليح المواطن، والسيارة المسروقة بتمرق عالحاجز بباكيت دخان.
الغلا الحارق المارق المتفجر بقلبنا، وقلبنا عالبلد، وقلب البلد واقف على قرار مجلس الأمن وقرار مجلس الأمن متل حفاظ الولد الصغير عم يهرب.. عم يسرب، وبعدك على بالي.