كتبت خلود حدق على صفحتها بالفيسبوك:
مع أني ماني قاصرة ابدا لابتكر اساليب تعليم مع بنتي، لكن قلت من زمان ما عملت فتلة على المواقع لشوف اخر التطورات بخصوص تعليم اللغة العربية، لقيتني تيتي تيتي متل ما رحتي متل ما اجيتي، والمواقع يلي ممكن الواحد يستبشر فيها خير بدها اشتراك بمصاري، وبتقولوا ليش الناس عم تتجه للانكليزي، لانو المحتوى مبهر على جميع الاصعدة و لجميع الاعمار.
طبعا انا ما عم شجع عن التخلي عن لغتنا بالعكس، عم شجع يصير عنا محتوى يحترم عقل الطفل و يغني لغتو. مو تبع انا البندورة الحمرا، مزروعة بين الخضرة
يارب رحمتك.
أما حسام الزير فكتب على صفحته بالفيسبوك:
عادي يكون عندك شخص بيسمي حالو صديق، بيقلل من نجاحك لما تنجح، بيحاول قدر الإمكان يشوف حالو عليك لما تقعدو مع بعض، أو بيعطيك نصايح رغم أنو ما بيفهم الخمسة من الطمسة.
عادي كتير هالشخص، تفكر انو بيلبقلو الاحترام، وهو بيحب لغة ال....
عادي متل هيك شخص، يستغل فكرة الصداقة ليكسب منك شي معين، ويستفاد منك ولو بأي شي بس المهم يستفاد.
عاد كمان، يترجاك تعملو شغلة معينة، ولما تخلص الشغلة، يصير يتعامل معك بطريقة مقرفة وقليلة زوق.
عادية هالشغلات .. وللي مو عادي، كيف لهلق متل هيك ناس عندهن صفحات ع السوشيال ميديا والناس بتصاحبهن.