دولة المافيا

دولة المافيا

دولة المافيا آخر همها المواطن، ما عجبك دق راسك بالحيط، الباب بقوت جمل، وانت جمل ومكتر، مالك وحلالك حلال علينا.

اللي بتتحملو لا جمل ولا جبل بيتحملو، ومع هيك إنت صابر وناطر نص ربع ضو، هيك عم يقول الحشاش لصاحبو الحشاش، عم يدورا على سيكارة مشان ينسوا.. تاع خود سيكارة وانسى.

بس شو بدك تنسى لتنسى.. ما فيك تنسى تعالج ولادك إذا مرضوا وما فيك تنسى آجار بيتك، وما فيك تنسى الوجبة اليومية للبطون الجوعانة.

أنا بقلك شو فيك تنسى، فيك تنسي تجيب بنطلون إلك ولمرتك، فيك تنسى اللحمة بس ما فيك تنسى الغاز والحطب لللطبخ، ما فيك تنسى البطارية بعد ما نسينا الكهربا، مافيك تنسى علبة الحليب.

وما فيك تنسى الهوية.. أوعك تنسى الهوية، أي حاجز ما بيلاقي معك هوية بياخد للمجهول وبنسيك حليب أمك وبنسيك سوريا وبنسيك الضو.. وبعد على بالي.

{@@audio:1@@}

نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق