والله محتاجك.. يا أخي ساعدني بغيابك، وقِّف بس ساعة كرمالي، وقف بس ساعة.. قول ما بدنا أسد وما بدنا نصرة، السفارة مو بعيدة عليك، قول لأ لكل شي عم يصير.
بدنا شباب الجيش الحر ما يموتوا ببلاش، هدول أول عن آخر أولادنا، وما بدنا المجندين عند النظام كمان يموتوا ببلاش، هدول أول عن آخر أولادنا، بدنا كرامة، حرية، أنا بدي عيش حر، الله بحاسبني، إنت شو دخلك، شو دحشك، مين عطاك وكالة بالحساب عن الله، أنا ما عطيتك ولا بايعتك وما قلتلك نعم للأبد، ليش للأبد ليش مو للشعب مثلاً، شبك نقزت، ما بتحبا هي للشعب.. وبعدك على بالي