كتبت سارة الشيخ علي على صفحتها بالفيسبوك:
ترامب مش كائن فضائي، ترامب هو أصدق ترجمة لواقعنا:
عنيف، ذكوري، عنصري، اسلاموفوب، هوموفوب، يسخر من ذوي الاحتياجات الخاصة، جنون عظمة، لا رؤية ولا استراتيجيا، والكثير الكثير من التفاهة.
كتبت هبة عز الدين على صفحتها بالفيسبوك:
تماماً ماعم حس أي شي حقيقي، لا المكان ولا الزمان ولا الأشخاص، مافي شي حقيقي بالنسبة ألي إلّا حالي. دائماً عندي إحساسي بعدم الإنتماء للمكان اللي أنا موجودة فيه لأنّه عندي كلشي خارج سوريا مؤقت، بس مابعرف قديه مدة هالمؤقت. حتى الوقت بحسه كتير كذّاب، بقول لا مامضى ست سنين ورح تمر الأيام البشعة بسرعة ورح نرجع لسوريا، بس بالحقيقة هالشي مو حقيقي أبداً. علاقتي بالأشخاص بحسها مهددة بالإنقراض بأي لحظة، قليل جداً حتى حس بالحميمية تجاه حدا، ولمّا بلش حس فوراً بحس بالذنب تجاهن، بحس حتى تعلقي فين رح يخربلن حياتن، فبخلق أي قصة لبعد وما برجع أبداً. بكره الكلام اللي ينقال ألي ينقال لغيري والعكس كمان، بحس أنّو بظل اللاحقيقية اللي عايشتها بدي مكان وزمان وكلام ووجوه وحبات قهوة خاصين جداً وألي بس مابدي شاركن مع حدا ولا حدا يشاركن معي.