طلعو من داريا مرفوعين الراس وسلاحهن على كتفهن .. وعين الله حولهون.
عم يمزحو وضحكانين للسما ... ما حدى بيصدق إنو هدول الشباب هزموا بصمودهم 4 منظمات إرهابيية
هزموا مافيا بيت الأسد، وهزموا مافيا حزب الله، وهزمو مافيا إيران خامنئي، ومافيا روسيا بوتن.
700 شب بسلاح متوسط وخفيف نكَّلو بجيوش مجهزة، بكل شي الا الحلم بالحرية وطعم الكرامة يلي كان زوادتهن بالحصار.
وبينحني الإنسان لما بيكون في عاصفة ما عندها عاطفة.. بيضطر يطلع على أمل يرجع.. متل كتار طلعو.
وأهل داريا الدنية كلها تخلت عنهن إلا النظام .. من 4 سنين ما تركهن نهار بلا طيران وبرميل وقصف.
يلي تحملوا هل داريا جبال ما بتتحملو، يعني لا تزيدوها على قلبهن ... طلعو على أمل يرجعو خلونا نتفاءل معهن شي مرة ما بيكفي ما وقفنا معهن ولا مرة من خمس سنين!!
ومع هيك رح تضل طلعة هالشباب غصة بقلبي لحتى يرجعو، وبعدك على بالي.