والله كان عندي مستقبل مشرق ما عم لاقيه؟.. .. كان عندي أحلام وردية ضاعو.. كان عندي كبرياء وكرامة انمسحو بها المعمعة..
تخيل إنو بالقرن الواحد والعشرين بقمة التطور والتكنلوجيا عم دور على بقايا إنسان مخلوق جواتي وما عم لاقيه .. ما عم لاقي حالي.. وين أنا.. حددلي مكاني موقعي ..دلني على حالي كرمال الله.
بعز عتمة هالليل عم إبكي متل الولد الصغير.. إنو ليش.. لك ليش ووين.. ومنشان مين عم ندفع هالفاتورة وكرمال مين ما انتصرنا؟؟.
ليش عنا إحساس بالنصر وكل المعطيات عم تقول العكس.. لك من وين إجى ها الإحساس وها الإيمان .. ما عم يرتفع راسي، والواطي صعب ينعاش معو.
أنا وهم عندو هوية ورقم قومي وبصمة بس لهلاء ما بصم.. أنا متل غصن عم يلعب فيه الهوا وبأي لحظة ممكن يصير بإيد راعي ليهش فيه الغنم أو عم يحترق بصوبيا كانت ما زوت وصارت حطب لأنو أرخص.
أرحص شي نحنا قصدي أنا..