كلما بنقول خلصت بترجع، وإذا ما بنرجع كلنا ما بتخلص، عم تفهم عليي، عم تفهم عليي ولا بالك مو معي، على أساس انو قلبك وعقلك مشغول بالبلد، وكل ما بسألك شو أخبار البلد بتقلي ما عم تتابع، كيف بدك تعرف شو عم يصير بالبلد إذا ما عم تتابع أخبار.
في ناس مشغول بالا على طلعة الدولار أكتر من كل بحر الدم يللي عم نشوفو، والمصيبة إنو في ناس شايفين هالحرب من نظرة مادية.
غريب كيف هالناس بتفكر لدرجة انك بتسأل حالك مين الصح، ومين الغلط وما عاد تعرف إذا بدن ياها تخلص أو ما تخلص.
هداك اليوم ختيارة عالحاجز قالتلو للعسكري الله يهدي الأحوال وبنصركم لترجعو على ضيعكم، قلها وهو عم يضحك ضحكة صفرا: على شو تخلص وشو نرجع، الله يديم الثورة علينا والحرب عليكم.
وإذا ما رجعنا كلنا الله وكليلك ما رح تخلص، وبعدك على بالي..