ليش خايفين الله معنا.. بس نحنا مو مع الله؟، الجهل بيعمل أكتر من هيك.. العمر يلي عم يمرق أسرع من هدفك.. مفتاح الفرج مع يللي طلعوا برات دائرة الخطر ومع السوري والليبي والمصري والفلسطيني.
ويللي جوات دائرة الخطر كمان معنا هوي والسعودية وروسيا وإيران واميركا والاردن ولبنان وتركيا.. ومين كمان.. أمان يا ربي أمان.
نحنا غيرنا مفهوم الموت يا معلم.. أثبتنا إنو القشة يللي بيتعلق فيها الغرقان ممكن تكون لغم، وإنو البلم بيجرح، والسفاح مناضل خالد.
وخالد عطاك عمرو لجامع خالد ابن الوليد بحمص ... نسيت قلك حمص كمان معنا هيه والقرداحة.
معك قداحة لشعل حالي ودخِّني ... والله خرمان.. خرمان يا بابا خرمان.
وليش خايفين.. الله معنا