العملية نجحت بس المريض مات!

العملية نجحت بس المريض مات!

وأنا كمان بدي حلِّل.. شو وقَّفت عَلَي ما سَمعك معزوفتي التحليلية بخصوص انقلاب تركيا..

إي بذمتي يللي حخبرك يا ما حدا خبرك يا.. وبتحداك إذا سمعانو من حدا غيري..

يللي صار بتركيا شبه انقلاب متل شبه الجزيرة العربية.. يعني العملية نجحت بس المرض مات.

بس بدك تعرف ليش مات وكيف مات؟.. الجراح الأمريكي كانت إيدي عم ترجف هو وعم يقود الانقلاب، قام هوَّر وفات بالحيط مسكين.

طبيب التخدير خربط بين المخدر والمنشط وأفشل عملية الانقلاب المشهور نجاحو بغير دول متل مصر.

المهم إنو فَشل هالانقلاب انقلب علينا متل ما كان نجاحو رح ينقلب علينا، وشدينا شعرنا أكتر وكزينا على سناننا أكتر.

ولحتى نطلع من هاد الانقلاب وتحليلاتو كان لازم ناكل كف مرتب، مقطع جديد لطفل عم تدبحوا جبهة النصرة بحجة التخابر مع النظام.

بين تحليلات وتبريرات عم يضيع حقنا شوي ورا شوي، وعم نعطي السفاح فرصة أكبر للانقلاب على ما تبقى من بعض قيم بيناتنا.

متل ما عم قلك... 

 

نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق