عناوين عديدة من الفيسبوك و"بوستات" منوعة كتبها السوريون تسمعونها بحلقة "كوم أخبار" لهذا الأسبوع:
كتبت سلوى زكزك على صفحتها بالفيسبوك، عن موقف حصل معها بأحد سرافيس دمشق: "حريق.. الناس عم تزخ عرق وتيا بهن محوّرة وعاملة دوبرات مالحة بيضة ويابسة. لو تعرفوا شو حرقني فوق كل هادا؟ بكلة كلاشي متل سيخ النار، وإجا السرفيس.. في ختيارة فوق السبعين سألت الشوفير إذا بيطالعها ببلاش، شي عشرة قالولها طلعي (وللأمانة أنا مو مننن)، ورضي وطلعت وطلعنا فوق بعضنا، وقالتلو نزلني عند الكنيسة وبس وصلت قلها الشوفير تفضلي يا أمي.. جمدنا ودقتنا البردية وكل واحد صار يدور عأمه، وهي نازلة قالت للشوفير الله لايقطعك يا روح أمك.
في شي غير الجمدة وأكتر من البردية وأقسى من فراق الميمة.. شي أخدنا وجابنا وعلانا ووطانا، وصار وقت الدموع تعمل دواير مالحة وحامضة وبتحرق القلوب من صماصيمها".
أيضاً، كتب نبيل نصار على صفحته بالفيسبوك:
بالعلم والمعرفة تبنى الأوطان.. بعد كل هذا الدمار الذي لحق ببلدنا علينا أولا أن نبني عقول مهنية قادرة على إدارة الأزمات وإعادة بناء الانسان والاقتصاد. علينا أن نؤهل الكوادر الإدارية والفنية لتعمل وفق معايير عالية كي لانقع بالأخطاء التي تؤدي الى هدر المال والطاقات. طبعا بعد أن تقف الحرب الحالية في سوريا سيكون هناك تحدي كبير في وضع الخطط وتمويلها وتنفيذها إلا أننا قادرين على مواجهة التحدي وسنعيد بناء البلاد في فترة قياسية. الشعب السوري بالأساس هو شعب حي ذكي ومن أوائل من صنع الحضارات الإنسانية سنخرج من المحن الحالية عاجلاً أم آجلاً".
المزيد من العناوين والأخبار السورية على مواقع التواصل الإجتماعي، إضافة لفيديو سوري اخترناه من اليوتيوب.. مع زينة ابراهيم.