العسكر بالشام متفائلين، بس الخوف باين بعيونهم، متطمنين من أنو القيادة الحكيمة الروسية رح تسلمهم المناطق الخارجة عن سيطرتهم على الأرض، والضباط الروس وعدوهم أنو يتمشوا تمشاية بدوما وحرستا وجوبر وعربين، بعد ما الطيران يقصف كل البيوت والحارات والمفارق والشوارع.
العسكر بالشام عم يحكوا عن بطولات الحرس الثوري الإيراني، أكثر من الجيش العربي السوري الباسل، وقالوا أنو الحرس وحزب الله سبقوهم ع الجبهات ليفتحوا ثغرات وطرق بالمناطق اللي مسيطر عليها المسلحين، والغريب أنو طرقات البلد ما بيعرفها غير ابن البلد، وهالبلد لبكت كل دول العالم.