حاكاني عن تطور الأسلحة، قلتلو قصدك تطور الموت بأنواعه بالكم والنوعية، قلتلو في نوعية من الأسلحة أنت ما بتعرفها، في نوعية من الأسلحة ما انزل الله بها من سلطان، استغرب واندهش، وحلفلي بالله أنو بيعرف كل أنواع الأسلحة المعروفة والسرية، وأنو مستحيل يكون في سلاح على وجه الأرض ما بيعرفو.
قلتلو بتعرف الدعاء؟، قلي مين دعاء؟، قلتلو الدعاء الدعاء.. أنك تدعي على حدا وحدا يدعي عليك، أنك تناجي الله وتطلب منو يوفق فلان ولا يوفق فلان، ويعز فلان ويذل فلان.. هاد السلاح، سلاح فردي ثقيل أحياناً، وخفيف أحياناً، كيف ما فتلت بتسمع قذائف صوتية، وشتائم نوعية، مربوطة بدعاء وطلب صريح من الله بالاستجابة.