بتصدق؟.. فلجني، حاولت بشتى الوسائل فهمو، ما فهم!، تمسح ع الظلم. حاولت فهمو أنو نسل هولاكو أثمر دمار، قلي ما بعد الدمار إلا العمار، قلتلو حلو. حاولت فهمو أنو أصغر متطوع بالجيش العربي السوري بحط هتلر بجيبتو الصغيرة، قلي وين هتلر هلق؟.. مات.
قلتلو بيتك على بعد كم متر ما فيك تدوسو.. قلي كل البيوت بيوتي. قلتلو ولادك تفرطعو وجيرانك تغيروا ورفقاتك سافروا.. قلي ذاكرتي عمرانة فيهون ودوم بحاكيهون.
قلتلو كل شي غلي إلا أنت، كل شي مهم إلا أنت، أنت ولا شي، قال أنا بعيون اللي حواليي كل شي.