الموطن السوري.. وهو المواطن الوحيد بالعالم يلي مين ماطلب هويته فورا بيعطي ياها من الخوف
المواطن السوري هو يلي بياكل ثلاثين دفشة.. وعشرين مسبة.. وعشر رفسات على دور الخبز، وبالأخير بيطلع حامل الخبزات.. وهو عم يضحك، ودموعه عرض خدوده..
المهدود حيله بكل مكان بيروح عليه.. بس مطلوب منه يكون رجال بقلب بيته!
المواطن السوري هو عنوان للطنبرة.. هو الأسرع بالمظاهرات والمسيرات.. هو الأقل كلفة من غيره.. دمه رخيص.
المواطن السوري هو صاحب الرقم القياسي بـ "ليش"... ابتداءً من ليش هيك هم يصير معنا.. وانتهاءً بـ "ليش" عم اعمل هالحلقة؟
أهم شي انه السوري صاحب أمانة مابيبع بلاده للغربا ولابيرهن البلد لحدا .. ويلي بيعمل هالشي ابدا مابيكون سوري حتى لو حمل الجنسية العربية السورية.