موجاية عبالي آكل.. ما عم اشتهي الأكل.. هاد هو حال السوريين يلي لسى عندهون إنسانية..
مو حزن لكن حزين.. عم حسها بعد ماكنت بس اسمعها
كنت لما التقي بمظفر النواب بالشام، شوف حزن بعيونو وأسى بقلبو بكل كلمة يقولها كنت دائما استغرب.. هلأ فهمت حزن العراقي على عراقو وحزن الفلسطينية على فلسطينهون.. هلأ فهمت كيف بيسكنك الموت.. وبتفقد كل الأشياء قيمتها بعيونك.
والناس مكتئبة والكآبة بدها حل والحل عند الحلال.
ومو حزن لكن حزين.