من زمان ماحكيت معك.. قلت بحكي معك، وبعايدك بشي مناسبة!
كل سنة وأنت سالم، وإن شاء لله السنة الجاي بتكون بيناتنا ومنعمرها سوا، مو سوا تبعو.. سوا تبعنا سوا عنجد، مو حملة انتخابية!
بتعرف؟
كل مرة من وقت يلي سافرت بقلك هالعبارة، إنه إن شاء لله السنة الجاي بتكون بيناتنا.. ولا مرة خطرلي إسألك.. إنه إنت عنجد ناوي ترجع؟
إذا سقط النظام بترجع؟ حتى لو عندك التزامات؟ حتى لو الفرصة يلي عندك هلأ ببلاد الغربة، أهم من الفرصة بالبلد بعد مايسقط؟
حتى لو على حساب راحتك وراحة بالك؟ إنه إنت شو بدك بهالهم؟ عمتقول لحالك هيك؟ أنا عنجد حابب أعرف.. أنت راجع؟