مشبكنا اليوم كان مع زميلتنا رنيم من راديو سوريالي، وحكينا بموضوعنا المشترك عن وسائل التواصل الاجتماعي والأسرار، وسؤال روزنامة روزنة اليوم : "هل ساهمت وسائل التواصل بفضح أسرار البيوت؟ وليش؟".
زينة قرأتلنا بعض المشاركات على بوستر روزنامة على الفيس بوك. وبلشت من عند محمد الحلبي اللي قال: "وسائل التواصل الاجتماعي من أخبث أنواع فضح أسرار الناس وهي سبب مؤثر وجدي وقوي بذلك وليس السوء بالوسائل كوسائل للتواصل وإنما السوء بالشعب العربي الغير مؤهل لإستخدام هكذا وسائل باالطريقة الصح". أما أيهم فقال: "للاسف سوء فهمنا لهيك مواقع ودخولنا الها ليس من باب لمعرفة انما لتمضية الوقت ونشر مايحلو لنا وطبعا استخدام الاطفال للمواقع".
رنيم كمان قرأت بعض المشاركات على صفحة سوريالي، وم وليد "بحس العالم كلها بتحب تتصنع على مواقع التواصل.. وقليل كتير اللي بيحكي قصصو عليها". وهلا اللي قالت: "وسائل التواصل ما خصها. اللي بدو يفضح أسرار بيتو ما بدو وسائل تواصل ليفضحها".
لتسمعو الفقرة كاملة فيكن تضغطو على زر الاستماع.