فترة البث المشتركة اليوم كانت مع زملائنا براديو "وطن"، وحكينا مع لولي وسومة عن موضوع حلقتنا، وسؤال روزنامة لليوم: "برأيكن.. شو هي الأشياء اللي بيشتركوا فيها كل السوريين؟". وحكينا كمان بفقرة "صباحكن وطن" لليوم، عن الحيوانات الأليفة "هل هيّة رفاهية أم حاجة عاطفية؟".
زينة ولولي وسومة، حكوا عن أول شي بيخطر ببالهن عن القواسم المشتركة بين السوريين، وخصوصاً بموضوع الأكل متل الشاورما والمكدوس والفلافل والمسبحة.
زينة قرأت لنا مشاركة بيان على "بوستر روزنامة" روزنة، بيان قالت: "السلبية، متل التفكير المتشائم والانتقاد والحربقة على ابن البلد، واللهم نفسي وقت العازة، وافتراض الأسوأ دائما وتكسير المقاديف والتعصب، ومنها إيجابي متل إنه كلنا منحب البساطة ممكن أبسط القصص تفرحنا، غنية أو كلمة أو حتى كاسة شاي، وكلنا بلا استثناء منتمنى نرجع عبلدنا ونكمل حياتنا يلي وقفت".
لتسمعوا مشكبنا كاملة فيكن تضغطو على زر الاستماع.