اليوم مشبكنا كان مع زميلتنا رنيم داغستاني من راديو سوريالي، وحكينا عن موضوع حلقتنا المشترك، بمناسبة اليوم الدولي للقضاء عالعنف ضد المرأة، وسؤال روزنامة روزنة لليوم: "هل زادت الجرأة عند المرأة السورية لترفض العنف اللي ممكن تتعرضلو؟ وليش؟".
استعرضت زينة بعض مشاركات أصدقائنا اللي علقوا على موضوع الحلقة على صفحة الفيس بوك، ومنها مشاركة مسعود اللي علق على موضوع الحلقة بطريقتو الطريفة كالعادة وقال: "بالسويد فتحوا مركز تأهيل الرجال المعنفين من قبل نسائهم.. وجاية تحكي لي عن العنف ضد النساء.. لا يا عيني العنف ضد الرجال مضاعف... معاً للمطالبة بحقوق الرجال".
مهدي كان محامي الشيطان بالحديث، وقال أنو في وجهة نظر بتقول أنو سبب تعنيف المرأة، هو المرأة نفسها. شو كان رأي زينة ورنيم بهاد الموضوع؟
لتسمعو مشبكنا كاملة فيكن تضغطو على زر الاستماع.