استهدف الطيران الحربي والمدفعية معظم طرق ريف اللاذقية، وخلال أربع أيام نزح أهالي أكثر من 15 ضيعة، باتجاه مخيم اليمضية أو باتجاه القرى المحاذية للحدود، طلباً للأمان، بحسبما اخبرنا مراسلنا جمال الدين العبدلله، مضيفاً أن النظام السوري يتبع سياسة الأرض المحروقة.
وخبرنا مراسلنا بأن المواد الغذائية غير موجودة وتوقفت عملية البيع وتم إغلاق المحلات بسبب القصف الشديد والنزوح، وحالة أهالي المخيمات سيئة جداً، وبعض الأهالي عم يشعلوا نار بالعراء أمام الخيم ليقدروا يتدفوا، ووضع الخيم مأساوي وكل خيمة صارت تحوي عائلتين.
ومن ريف اللاذقية رحنا على ريف دمشق مع مراسلنا أيهم دال وخبرنا عن القصف اللي عم تتعرضلوا داريا، وأشار إلى انعدام المواد الغذائية وانعدام الخدمات وتعتيم إعلامي، والوضع سيء جداً خاصة مع اقتراب فصل الشتاء وغلاء المحروقات، إذ وصل سعر طن الحطب 50 ألف ليرة، والألبسة الشتوية الناس عم تلبسها للعام الثالث، أما عن المواد الغذائية كلها عم تشهد ارتفاع: الرز والسكر والبرغل بحدود ال 500 ليرة سورية. الدولار سعره 330 ليرة سورية بسبب عدم الإقبال عليه والناس تضطر تصرف بهذا السعر.
تفاصيل أكتر بتسمعوها بتحويلة اليوم.