أهم شي أنو الكل عم يهتموا بسوريا، وأنت يا مواطن يا سوري ما حدا مهتم فيك، أهم شي أنو الدول توافقت على حل سياسي، بس أنت ما عندك حتى فرصة أنك توافق، أهم شي أنك آخر اهتماماتهون، وليش لتكون بدائرة الاهتمامات؟ إذا قرارك من عندون، سلاحك من عندون، وتمويلك من عندون، وأنت طرف بصراع إقليمي، مهمتك تنفذ تموت تنحرق تنقهر وبس.
ليش ليكون إلك رأي، طالما انت محكوم بالمادة ورأس المال يتحكم، ليش أنت شو دخلك، أنت بس صاحب أرض وقضية، متلك متل الفلسطيني والليبي واليمني والحبل ع الجرار.