اليوم مشبكنا كان مع زميلتنا لولي من راديو وطن، وحكينا معها بموضوعين، الأول موضوعنا وسؤال بروزنانة روزنة اللي توجهنا فيها لكل اللي عم يسمعونا على هوا روزنة ووطن، وهو "وجود الأولاد سبب كافي لإستمرار زواج غير ناجح؟". ركزنا حديثنا على فكرة الطلاق النفسي، وهي انفصال الزوجين وبقائهن ببيت واحد، وممكن يكون هاد الشي بسبب وجود الأطفال، أو لأسباب اجتماعية مختلفة. شو كانت وجهة نظر لولي بهاد الموضوع؟.
أما الموضوع التاني اللي حكينا فيه، كان هاشتاغ صباحكن وطن لليوم وهو"الحب قبل الزواج" ودار الحديث بين لولي ومهدي وزينة عن الزواج التقليدي، اللي انقرض تقريباَ لأنه الشباب والصبايا صارو رافضين تماما لفكرة الزواج من شخص ما بيعرفوه من قبل.
لتسمعوا مشبكنا كاملة فيكن تضغطو على زر الاستماع.