اليوم شبكنا مع راديو "وطن" وزميلتنا لولي مقدمة برنامج صباحكن وطن، وحكينا عن موضوعنا الموحد لليوم وهو هل في حل قريب للأزمة بسوريا؟
ولاء بلشت بالحكي عن الاحتفالات اللي صارت مبارح بمناسبة فوز حزب العدالة والتنمية بتركيا، وعن التفاعل السوري مع الموضوع والإحتفالات اللي قاموا فيها السوريين المقيمين بتركيا.
زينة كمان سألت مستمعي راديو "وطن" سؤال حلقتنا بروزنامة روزنة، وجاوبت لولي عالسؤال وقالت : "في كتير من الناس متفائلين بوجود الحل في سوريا إن كان قريب أو بعيد، والأكيد أن الحرب راح تخلص، لكن سألت لولي المستمعين: شو هو اللي راح يتغير بعد فوز حزب أردوغان بالانتخابات؟، يعني هل بداية الحل في سوريا هو بعد فوز أردوغان؟. وتمنت تكون "اجتماعات فيينا" بادرة حل أو وقف الحرب مبدئياً .
وزينة قالت: "في سوريين بيمشوا على مبدأ اللي بتعرفه أحسن من اللي بتتعرف عليه، وخوف السوريين من وجود حزبين معارضين (حزب الشعب الجمهوري والحركة القومية)، ومواقفهم المعادية لوجود اللاجئين السوريين على عكس حزب العدالة والتنمية، هالشي فرح البعض من السوريين المقيمين في تركيا، بفوز حزب العدالة والتنمية.
فيكن تسمعو فقرة "مشبك" مع راديو وطن كاملة بالضغط على زر الاستماع.