حكينا مع مراسلنا هشام الخطيب، وخبرنا بأنه الأجواء بالسويداء ماطرة، وبالنسبة لسعر المحروقات شهدت ارتفاع بسيط، ووصل سعر لتر المازوت لـ 142 ليرة والحر 250 – 275 ليرة سورية، أما سعر جرة الغاز بيتراوح بين 1900–2200 ليرة سورية.
بالنسبة لسعر صرف الدولار ارتفع ووصل لسعر عالي كتير: 352 ليرة سورية، أما عن أسعار بعض السلع والمواد الغذائية: كيلو اللحمة 2500، كيلو الفروج 550 أما لتر الزيت ارتفع من 400 –800 ليرة سورية، بالنسبة لسعر كيلو السكر 175، والطحين 275، أما الرز 325 ليرة سورية، أما أسعار الخضار: الخيار 250، البندورة 125، البطاطا 150، وكيلو التفاح بـ275 ليرة سورية.
أما عن وضع الطرقات: طريق دمشق-السويداء يشهد اشتباكات خفيفة، ولكنه آمن بشكل عام، أما الطرق إلى القرى الغربية سالكة فقط في فترة الصباح.
ومن السويداء رحنا على القامشلي مع مراسلنا آختين أسعد، وخبرنا بأن أسعار المازوت رخيصة بالنسبة لباقي المحافظات وسعر اللتر 35 ليرة سورية، وخارج محطات الوقود 50 ليرة، بالنسبة لسعر برميل المازوت 200 لتر فهو 6500 ليرة سورية،
الطرق سالكة عدا موضوع الأمطار يلي عم يعرقل حركة السيارات أحياناً، إذ أن المازوت المستخدم من قبل حراقات محلية عم يفرز مواد لزجة على الطرقات ويؤدي أحيناً إلى انزلاق السيارات، وبالنسبة لأسعار الصرف في القامشلي: الدولار 347 اليورو 383 الليرة التركية 118.
تفاصيل أكتر بتسمعوها بـ"تحويلة" اليوم.